Final 2ª Autonómica : Ida decepcionante

Derrota clara do CB Burela 

   Partido de ida da final da 2ª Autonómica entre o CB Burela ee o CB Allariz en Vista Alegre cunha moi boa entrada (150 persoas) e gran ambiente que respondía a un último partido de temporada coa posibilidade de ser campionas dunha liga FGB.

   Vovíamos a ter baixas importantes  e nos presentábamos con 3 xogadoras senior e 4 junior, cunha rotación moi escasa e un poder anotador mermado polas ausencias de Miriam, carla e Irene Fdez. (25 puntos por partido entre as 3 nesta temporada). Aínda con todo, recuperábamos a Marta  e aspirábamos a competir e poñerlle as cousas moi difíciles a un equipo visitante veterano e cun físico superior. Todo isto diante do noso público que nos debía de motivar para intentar conseguir competir cun equi`po superior.

   O partido iniciouse cunhas ventaxas visitantes producto das pérdidas de balón e das canastas fáciles falladas polas locais, que parecían o equipo de principio de temporada e daba unha ventaxa visitante de 9 puntos ó rematar o 1º cuarto (10-19). O segundo cuarto seguimos coa sequía anotadora e as vissitantes impoñían a súa defensa e estaban acertadas no tiro exterior para un resultado ó descanso de 20-33.

Lucía Paz

   O descanso podía cambiar algo o panorama pero o noso ataque se colapsou e non anotamos ata o minuto 8 e rematou xa sentenciado o partido co parcial 25-43. Só 2 canastas en 10 minutos non nos deixaban opcións aínda que o esforzo defensivo era o máis destacado do noso xogo.

   O último cuarto por fin se veu algo do noso xogo dinámico e poidemos remontar ata un 37-49 pero a veteranía das de Allariz e unha falta antideportiva e unha técnica inexplicable ó banquiño local facía medrar outra vez as diferencias ata o  rexsultado final de 39-58 , cun equipo de Allariz xusto vencedor.

 

   A falta de efectivos, a inexperiencia, a falta de adestramentos das últimas semanas, xunto ás pérdidas de balóns, as entradas e tiros fáciles fallados non nos deixaron plantar cara, e so debemos destacar o esforso en defensa e algúns detalles das junior que se van adaptando a competir en senior.

    Xogaron e anotaron: Melani (4), Mar (6), Lucía (2), Irene M. (2), Marta (6), Claudia (6) e Marga(13).

   Tanteo: 10-19  /  10-14 /  5-10  /  14-15       16 faltas , eliminada Marta.

   Destaca tamén a eliminación da nosa capitana Marta (exemplo de comportamento) pola sinalización de 2 antideportivas, nun partido no que os árbitros non tiñan que ter ningún protagonismo .

  Queda o partido de volta en Allariz o vindeiro sábado (16h.) no que iremos coa intención de realizar un mellor partido e esperamos ter menos baixas , xa coa final casi sentenciada para o CB Allariz.

CB BURELA - CB ALLARIZ

FINAL SENIOR FEMININO en VISTA ALEGRE

   Despois de rematar a liga do grupo Norte en primeira posición acadando o dereito a ascender á 1º Autonómica, toca enfrentarse co campión do grupo Sur a ida e volta, sendo a ida en Burela o vindeiro domingo ás 17 h. en Vista Alegre.

Clasificación final do grupo Norte

     Así temos a oprtunidade de despedir a temporada diante do noso público e poder alcanzar o primeiro posto de Galicia, polo que nos gustaría poder  contar co apoio da nosa afición nesta ida da final.

   O partido disputarase en Vista Alegre o vindeiro domingo 28 de abril ás 17h., 

ACUDE A ANIMARNOS!!!

Victoria en Cee para rematar a liga regular

As junior dan un paso adiante

   Última xornada da liga regular e longuísimo deprazamento a Cee para xogar co equipo local  o ACB Costa da morte, que estaba clasificado en séptima posición da liga e que tiña unha boa segunda volta na que gañou 5 das  súas 7 victorias.

Margarita, 20 ptos

   O resultado xa era intrascendente para as nosas que za tiñan aseguradan a 1ª posición e para este partido só se desprazaron 6 xogadoras (4 juniors) que tiñan que facer valer o bo xogo ó que nos ten acostumado este equipo desde o Nadal. Miriam, Carla, Mar uníronse ás lesiionadas Irene F. e Sol e tiveron un fin de semana libre para recuperarse dunha liga moi intensa.

  O partido fixo valer a calidade da nosa rotación con dúas senior exercendo de veteranas e as 4 junior dando un pasiño máis na súa formación (na que por certo anotan o 33% dos puntos totais do noso equipo na liga). Inciamos o patido cunha boa defensa e rapidez no ataque que nos valeu unha boa diferencia ó rematar o 1º cuarto (6-18) e no descanso (18-37) diante dunhas xogadoras locais moi animosas cunha defensa durísima. As nosas, cunha idade media de 19 anos, non se deixaron amedrentar por esta dureza e seguiron incrementando a diferencia ó rematar o 3º cuarto (27-49) e deixaronse ir no último cuarto tentando non sufrir lesións e intercambiando canastas ata o definitivo 41-70.

Melani, destacada

 
Destaca o esforzo das nosas, cun xogo moi vivo a pesar da escasa rotación e no ataque destacaron o afán colectivo na dirección de Marta (15 puntos e moitas asistencias), a capacidade anotadora de Margarita (20 puntos de todas as cores) e a irrupción de Melani na segunda metade (18 ptos.). Asimesmo Lucía aportaba en defensa e Claudia e Irene tamén tiñan a súa aportación ofensiva (13 puntos) entre as dúas.

Marta Cifu, líder en Cee

    Podes ver unha pequena crónica no blog das locais  AQUÍ

Xogaron : Marta (15), Melani (18), Irene F. (7), Margarita (20), Lucía (4) e Claudia (6)

   

  6-18  /  12-17  /   9-19  /  14-16     12 faltas, sen eliminadas

    Queda, polo tanto a eliminatoria coas campionas do grupo Sur (CB Allariz) e aínda non sabemos as datas  dos partidos que darán o equipo campión e subcampión da 2ª autonómica de Galicia.  Cando sepamos datas e horarios os publicaremos para poder despedirnos en Burela da nosa afición despois de tres xornadas nas que finalizamos a liga sendo visitantes.

As cadetes quedan terceiras

Cadete feminino. 3º posto final

   O equipo cadete feminino quedou terceiro nas finais provinciais despois de derrotar por 55-57 ó Galén Ensino de Lugo no partido polo terceiro posto disputado o pasado domingo no Pabillón da Veiga en San Cibrao.

     Despois de non superar o CB Estudiantes de Lugo (que despois se proclamou vencedor) na semifinal provincial , presentábase a oportunidade de rematar na terceira posición e para iso tiñan que vencer ó Galen Ensino (campión da fase regular). O partido empezou de cara para as nosas que tiñan ventaxas que rondaban os 10 puntos durante toda a primeira metade, aínda que a escasa rotación (6 xogadoras) e a acumulación de faltas persoais deixaban aberto o partido de cara a segunda metade.

    A segunda parte do partido volveu a deixar claro que o cansancio pasa factura e as lucenses puxéronse por diante e chegaron a ter ventaxas de ata sete puntos, con problemas de faltas nas nosas e as molestias físicas dalgunha das nosas xogadoras. Cando parecía estar xa perdido o partido, as mosas souperon atacar a defensa rival e superando as lesións  e as eliminacións por faltas (quedando só 4 en pista os últimos 3 minutos) puxéronse por diante e superaron ás rivais cos tiros libres finais de Noa.

Katia, Tatiana, Saray, Noa, Elena e Teba
Caroline (inf), Paula(inf), Madar, Tamara e Lara (inf)

   Este equipo ten unha gran calidade individual, con xogadoras acstumadas a xogar en categorías máis altas, pero a flata de adestramentos de calidade (nunca eran 10 para adestrar, faltas por viaxes, estudos, outras actividades, lesións) e , sobre todo, a rotación limitada que daba ser só seis xogadoras privou a este grupo de pelexar por metas máis ambiciosas. Destaca o esforzo das xogadoras disponibles pero sempre faltou unha maior preparación para afrontar a competición.

   Tamén destaca o feito de gañar o Torneo "Lourenzá en Xogo" diante de rivais de entidade coa colaboración de outras cadetes de Viveiro e Foz.

    Esperamos ver a estas xogadoras competir en vindeiros anos en junior e senior, categorías que, en parte, xa coñecen e nas que teñen que dar moito rendemento, sempre que os grupos que formen sexan amplos.

  A nosa noraboa aás nosas cadetes!!

SENIOR: Misión cumplida, victoria en Lugo

¡¡  Victoria, liderato e ascenso  !!

    Nova xornada da 2ª autonómica feminina e desprazamento a Lugo para xogarnos a 1ª praza diante do potente Pulpalia que , de gañar, acadaría o liderato. Novamente viaxamos sen as lesionadas Irene F., Sol e a baixa de Melani por motivos persoais, o que nos deixa moi tocada a rotación de xogadoras interiores.

    O partido iníciase cunha boa dinámica defensiva e rápidas transicións que nos dan as primeiras ventaxas (0-7, min.3) que se consolidaban nun cuarto de total dominio visitante (2-19). O seguinte parcial continua esta dinámica e as locais non son capaces de parar o ataque burelés (tanto en estático como en transición) e ten graves problemas de anotación polo que o resultado ó descanso xa é moi claro para as nosas (11-36).

O CB Burela Senior despois de gañar en Lugo

    Despois do descanso o cambio defensivo local, a maior dureza defensiva e o acerto exterior psrece reanimar ó equipo local que consigue un parcial (17-5) pero as nosas consiguen adaptarse ás novas circunstancias e deixan a diferencia en 20 puntos a falta de 10 minutos (30-50). O último cuarto as nosas limítanse a consevar as diferencias para rematar o partido con certa tranquilidade polo marcador a favor de 43-62.

       

       Xogaron polas nosas: Miriam (2), Mar (18), Carla (13), Lucía (2),      Irene M., Marta (7), Claudia (1) e Margarita (19).

        Parciales:   2-19  //  9-17  //  19-14  //  13-12     25 faltas , sen eliminadas

     Destacamos tamén a dedicatoria desta victoria a unha das nosas xogadoras máis destacadas, Miriam Vázquez, que celebraba o seu cumpreanos e que posa na foto da dereita coa tarta  que lle levaron as súas compañeiras.

     Enorme a racha das nosas, 12 victorias consecutivas (a 2ª volta gañando por 15 ou máis ptos. de diferencia), a última derrota no mes de novembro e unha dinámica de equipo impecable, baseada no esforzo e o traballo que nos levou a asegurarnos a 1ª posición, que nos da dereito a xogar contra o mellor equipo do grupo sur polo Campionato Galego de 2ª División Feminina.

     Así, temos garantida unha praza na 1ª división feminina para a vindeira temporada, obxetivo que supera de largo as espectativas postas neste grupo a principios de liga, que tivo que loitar con moitas dificultades (falta de pretemporada, de horas de pabellón para adestrar, falta de apoio das institucións, lesións graves...) pero que estimamos moi merecido polo traballo realizado.

     A vindeira semana desprazámonos de novo a Cee para xogar contra Bazarra Costa da Morte que está pola parte medio baixa da clasificación pero que mellorou moito os seus números con respecto á primeira volta. O resultado non é xa decisivo para a clasificación e as nosas irán a disfrutar do baloncesto sen presión de ningún tipo.

O equipo benxamín mixto : Campión da Mariña

Benxamín Mixto : Campións invictos

     O equipo benxamín mixto do CB Burela Pescados Rubén rematou a liga escolar benxamín da Mariña sen coñecer a derrota e clasificouse para as finais provinciais que se disputarán no vindeiro mes de maio.

Piqueras, Nuria, David, Diego F.,Alejandra, Claudia, Hugo e Manolo
Diego N., Luís, Julia, Angela, Fernando, Antón e Pablo

     O equipo adestrado por Manolo Cobas fixo un traballo excelente e venceu todos os partidos de liga sen dar opcións ós rivais e por segundo ano consecutivo participará nas finais provinciais, así varios dos seus integrantes xa dispoñen de experiencia en este tipo de finais a 4 (semifinal e final) despois da final á que chegaron o ano pasado.

     Venceron os 12 partidos disputados sendo o equipo máis anotador e o que menos puntos recibeu, amosando unha clara superioridade no grupo.

    Tamén debemos destacar que é un grupo que seguirá xunto en benxamíns a vindeira temporada pois só 2 integrantes pasarán á categoría alevín, o que lles asegura  outro ano con grandes resultados.

    Para preparar esta importante cita, disputarán varios partidos amigables (este fin de semana van a Ribadeo) partidos onde o menos importante é o resultado e o que importará será o xogo e a confianza para rematar esta exitosa temporada da mellor forma.

Clasificacion final liga benxamín mixta 2012/13 de A Mariña

Misión cumplida : victoria en Sarria das seniors

11ª victoria consecutiva das senior en Sarria

    Volta á actividade oficial das ligas FGB e novo partido da 2ª división senior para as nosas en Sarria diante dun rival ben situado na clasificación nunha visita sempre pouco propicia para o CB Burela. pero o equipo non notou as ausencias de Irene F. e Sol por lesión e a de Melani por motivos laborais e consigueu unha importantísima victoria que lle sigue dando unha lixeira ventaxa ó frente da clasificación.

    O partido empezou cunha serie de erros dos dous equipos que deixaban rentas pequenas ó longo do cuarto e unha anotación reducida (14-13 para as locais ó final do 1º cuarto), para pasar a un segundo cuarto onde as burelesas dominaron en defensa e ataque ás locais cun parcial de 20-2 que daba unha importante ventaxa ás nosas para rematar a 1ª parte cun resultado de 24-38, despois de realizar un dos mellores cuartos da temporada.

CB Burela senior no Torneo de "Lourenza  en xogo"       Foto: EDLourenzá

     Na segunda metade a dinámica sigueu sendo a mesma  e a superioridade das nosas foi de novo evidente e deixou o partido visto para sentencia ó rematar o 3º cuarto (37-60) para poder dosificar esforzos e xestionar minutos nun último cuarto no que as nosas juniors levaron o peso anotador para rematar o partido cun resultado de 50-75.

Claudia: 13 puntos 

  Destacamos novamente o esforzo das oito xogadoras desprazadas, cunha implicación na dinámica do equipo total, unha boa defensa, un ataque que empezan a facer de memoria con puntos de todas as xogadoras, e a nivel individual destacaremos á junior Claudia que anotou na segunda metade 11 puntos para un total de 13 ó final do partido.

    Xogaron e anotaron: Miriam (9), Mar (18), Carla (12), Lucía (2), Irene M. (2), Marta C.(7), Claudia (13) e Margarita (12).

                Tanteo: 14-13 / 10-25 / 13-22 / 13-15

  Con este resultado, o equipo suma 11 xornadas sen perder a falta de dous partidos para rematar a liga, mantendo todas as opcións de manter o liderato unha xornada máis.

    A vindeira semana viaxaremos a Lugo para enfrentarnos a Pulpalia, equipo que nos gañou por 4 puntos en Burela e que nos amenaza o liderato. Esperemos manter o nivel de xogo e que non teñamos máis baixas neste fin de liga.

Torneo de Lourenzá: as senior chegan a semifinais

Éxito das senior  en Lourenzá 

    Despois dun gran torneo, as nosas senior chegaron a semifinais do Torneo "Lourenzá en xogo 2013" . A primeira fase se cerrou cunha brillante victoria diante doas valencianas do Burjassot e tocaba enfrentarse en semis ó equipo anfitrión , o Lourenzá-Emsino que milita na 1ª autonómica FGB e que aspira a ascender de categoría e ten nas súas filas a xogadoras expertas entre as que destaca a burelense Marly e a cubana internacional Taimara.

As nosas seniors vendo un partido en Lourenzá

Marta Cifu coa copa

    O partido empezou de forma moi brillante por parte das nosas e cun xogo alegre en ataque e unha defensa individual forte chegaba ó final do 1º cuarto cunha diferencia cómoda (5-13). Despois, entre a  rotacións, o cansancio (xogamos un partido máis que as lucenses) e a calidade das locais  igualaron o choque e antes do descanso se poñían por diante as lucenses. O terceiro cuarto foi parecido ó segundo aínda que a defensa local coa permisividade arbitral  (sinalou unha técnica ó noso adestrador e unha dubidosa falta antideportiva), facía baixar a producción atacante das nosas e o acerto exterior da xogadora cubana Taimara (3 triples) daban as primeiras ventaxas ó Ensino.

    Sin decidir o partido se entraba no último cuarto no que se mantiveron a ventaxas entre 5-10 puntos e non daban opción ás nosas que remataban as súas opcións de meterse na final cun resultado de 49-39.

    Remataba así o torneo para as nosas cun gran rendemento colectivo, coa participación de todas as nosas xogadoras en todos os partidos, e moi boas sensacións de cara ó final de liga onde nos xogamos manter o liderato nas últimas 3 xornadas. Tamén debemos destacar a inclusión de Mar no quinteto ideal do torneo, no que destacou como a mellor xogadora interior. agradecerlle a súa axuda  a Marta Álvarez e a Adela que nos completaron o equipo neste torneo.

Mar coas mellores das senior do Louenzá en xogo

    Temos que felicitar a Melani, Mar, Miriam, Claudia, Margarita, Marta Alvarez, Adela, Irene F., Marta Cifu., Lucía, e Irene M., o esforzo e a actitude positiva que nos deron nos 4 partidos xogados, que seguro nos van a valer para rematar a liga con grandes resultados.

As cadetes gañan o Torneo de Lourenzá

As nosas cadetes gañan en Lorenzá

   As cadetes dirixidas por Madar gañaron o Torneo "Lourenzá en xogo" disputado na vila laurentina desde o día 20 ó 30 de marzo. Cun xogo pouco brillante (pero efectivo polos resultados) as cadetes superaron a derrota pola mínima do inicio do torneo e desfixeronse do Lourenzá-Mondonedo para rematar en segunda posición de grupo e acadar as semifinais.

As cadetes gañadoras do Lourenzá en xogo 2013

    Xa na fase final do sábado as rivais en semis eran o potente equipo de Corazonistas de Vitoria, e nun partido igualado as nosas xogaron con máis acerto os últimos minutos e alacanzaron a final cun resultado 44-47, destacando Saray, Noa e Carla.

   A final iba a ser a repetición do partido inicial contra Ensino Lugo e  unha oportunidade de devolver a derrota ás capitalinas da primeira fase.

  Un partido con moitos nervios , cunha desvantaxe inicial de ata 8 puntos pero sen perder a estela do equipo lucense do que só nos separaba 1 punto no descanso. Cambio defensivo a individual e mellores sensacións nos permitiron tomar as primeiras ventaxas pra chegar a un final apretado onde as nosas conservaron a súa pequena renta e  gañar o torneo (parte delas xa o gañaran en infantís o ano pasado). 

     Destacaron Carla, Noa e Tatiana en ataque e debemos dar as gracias ás xogadoras que nos completaron o equipo chegadas de Viveiro (Fátima e Celia) e de Foz (Carla). Tamén destaca o feito de meter no quinteto ideal do torneo a Carla (na foto inferior).

Carla coas mellores do torneo

      Este grupo ten unha gran calidade técnica individual e debe seguir medrando traballando a defensa, intensidade e táctica colectiva para seguir destacando no futuro , no que moitas seguiran sendo cadetes no 2013/14.

PREBENXAMÍNS CAMPIÓNS EN VEGADEO

OS PREBENXAMÍNS GAÑAN O TORNEO DE VEGADEO

  O equipo prebenxamín , esta vez dirixido por Lolo, fixo bon o traballo realizado con eles por Manolo e as nosa xogadoras/monitoras Margarita, Claudia e Tatiana e participou no torneo de Vegadeo onde se enfrentou ó local CB Vegadeo, ó CB Navia e a un combinado de nenos de Castropol. O resultado foi extraordinario cun pleno de victorias que os fixeron campións .

Os nosos prebenxamíns coas súas medallas          Foto: Abel

   Non hai que ver máis que velos coa medalla que gañaron para saber a inmensa ilusión coa que empezan no noso deporte, nun grupo que ten nenos e nenas dos anos 2005, 2006 e 2007 , que participarán nas ligas escolares a partir do ano que ven con moi boas espectativas de xogo e resultados, asegurando así a continuidade de traballo coa base do CB Burela, que tan bos resultados está dando tanto na costa como nos campionatos provinciais ós que chegamos.