Canteira: Ben por abaixo e mal por arriba

Resultados positivos dos máis pequenos

   Nova xornada para aas categorías inferiores do CB Burela e resultados adversos dos máis grandes e moi positivos do máis pequenos.

1. Junior masculino, coa derrota diantes do líder do grupo AXSC Innova Construcciones en Lugo por 72-50, derrota que entraba dentro do previsto e que sirve para empezar a volvar a coller o ritmo despois de varios resultados moi adversos. Os vindeiros partidos contra Monforte, Chantada e Galén poden darlle ó equipo de Manolo a clasificación para a fase do título, se manteñen a cuarta praza.
2. Infantil masculino, derrota en Foz dos de Rogelio 39-31, despois dun inicio fatal onde chegaron a ter ata 21 puntos de desventaxa. O último cuarto deixou ver as posibilidades do equipo e deixou a diferencia final en 8 puntos. Partido moi parecido ó da 1ª volta e no que a superioridade física dos focenses volveu a ser decisiva. De todas formas o equipo rematou a 1ª fase en terceira posición e xogará a fase do título diantes dos de Foz, o CB Ribadeo, Cidade de Lugo, Estudiantes 02 e AXSC de Lugo.

   

   Clasificación final infantil masculina do grupo Norte

3. Infantil feminino, coa dolorosa derrota en Ribadeo  45-43, despois dunha prórroga, nun partido no que as nosas tiveron a posesión para levarse a victoria. Quedan en terceira posición da liga e as de Madar rematarán a liga dentro de 15 día recibindo ó CB Viveiro nun partido sen trascendencia na clasificación final.
4. Alevín masculino, con victoria clara no Pabillón Monte Castelo diante do CB Viveiro 61-45. 
5. Alevín feminino, coa derrota inesperada en Burela diante do CB Viveiro 24-58, na que non tiveron opcións as nosas nun moi mal partido. Dolorosa derrota diante dun rival ó que se lle gañou con anterioridade  e pola diferencia final no marcador.
6. Benxamín masculino federado, cunha victoria moi clara en Lugo diante Estudiantes Vermello 18-68. Os de Lolo pecharon a acta ó superar os 50 puntos de ventaxa e siguen en segunda posición na liga.
7. Benxamín feminino, con derrota en Burela diante o CB Viveiro 21-27, no que as de Margarita sempre se mantiveron  no partido pero sempre teñen o hándicap de competir con equipos mixtos.
8. Benxamín masculino escolar, victoria en San Cibrao contra as Escolas Deportivas locais 30-48
9. Prebenxamín, con victoria en Xove 40-46, un impulso de moral para seguir adestrando e vendo as melloras dos máis pequenos.

Un mal terceiro cuarto condena ás senior en Coruña

Derrota das senior en Coruña

  Último partido da 1ª volta da 1ª Autonómica Feminina e derrota das nosas diante de A.D. Calasancias por 59-48 no Pabillón de RiazorII. O equipo local era un gran adversario para as nosas ó estar clasificado en segundo lugar cunha victoria máis que o CB Burela, e as nosas intentaban acadar a cuarta victoria consecutiva.  O equipo de XM Rubal partía cunha rotación moi escasa pola ausencia das juniors vinculadas do CB Viveiro (por incompatiblidade de horarios), Salo e  da lesionada Lucía Paz que cumple as últimas etapas da sús longa recuperación. Polo tanto 8 xogadoras diante dun equipo moi físico sería unha complicación aínda maior.

Tania Paleo

  O partido foi moi igualado na primeira parte, onde as ventaxas foron escasas, rematando o primeiro cuarto 15-14 para as locais pero coa mala noticia da recaída da lesión de nocello de Lucía Carabán mo minuto 8 do partido, polo que xa non iba a participar máis no xogo. O segundo cuarto foi moi positivo para as nosas e a aportación de Margarita fixo conseguir unha máxima renda de 5 puntos (19-24) gracias ás variantes defensivas e ás transicións aínda que un arreón local volvía a igualar o partido 28-27. 

  A segunda parte foi moi distinta cun terceiro cuarto moi malo para as nosas e un acerto brutal das coruñesas desde a liña de 3 puntos (6 triples, 5 seguidos) o que disparou o marcador ata un casi decisivo 50-36 ó final do cuarto. A volta á defensa individual permiteu rebaixar a diferencia a 8 puntos pero o cansancio non fixo perigar a victoria das locais.

Marga, 20 ptos, en Coruña

  Destacou Margarita, cada vez máis entonada nesta liga, o esforzo de Marta Cifu e a aportación por dentro de Tania , que despois de varios anos sen xogar volve a disfrutar na cancha.

  Na parte negativa , a lesión de Lucía e os erros defensivos en segundas axudas, que deberán correxirse de inmediato.

  Polo CB Burela xogaron: Marta A., Mar 4, Laura, Tania 6, Lucía C.4, Marta Cifu 10, Margarita 20 e Adela 4.   13 faltas , eliminada Mar (min.38)     Parciales  15-14/13-13//22-9/9-12

 Na clasificación voltamos a caer ó sexto posto (empatadas coas quintas) e a vindeira semana iniciamos a segunda volta diante do lider Universitario de Ferrol no pabillón de Esteiro (domingo 17h.).

  Unha vez rematada a 1ª volta a bagaxe é moi positiva, competindo cara a cara con todos os equipos e para un equipo debutante con marxe de mellora , é unha clasificación moi meritoria, xustificando o esforzo persoal de xogadoras, técnico e clube para competir nunha liga na que demostramos cada fin de semana que é a nosa.

CLASIFICACIÓN DA 1ª VOLTA DA 1ª AUTONÓMICA

Nova victoria das seniors

Terceira victoria seguida das seniors 

  Nova xornada da 1ª Autonómica e victoria do CB Burela diante La Salle Santiago 63-46, terceira consecutiva das nosas e cuarta en total . O equipo visitante iniciaba opartido cunha victoria menos e agora queda a dúas victorias na clasificación , na que o noso equipo pode subir ata a cuarta praza.

  Afrontaba Rubal o partido coas baixas de Laura (por estudos) e Salo, pero o resto do equipo non iba a deixar que se notaran as ausencias, e cun inicio igualado 9-10 parecía que iba a ser outra vez un partido igualado, pero as nosas nun bo final de cuarto culminado por un triple de Celia deixaban xa certa diferencia no marcador (18-10). O segundo cuarto foi igualado e as forasteiras deixaron o seu mellor baloncesto, colocándose a 3 puntos pero chegaban o descanso 6 abaixo (30-24).

  A segunda parte foi moi boa por parte do CB Burela, cunha gran circulación de balón, acerto no tiro e defensa por veces asfixiante, polo que o terceiro cuarto no que as nosas ofrecían o seu mellor baloncesto agrandaba  a diferencia ata un 50-38,  parcial que aumentaría  ata os 16 puntos de ventaxa nun final de partido no que as rivais vivían e morrían desde a liña de 6.75.

Celia, destacada

   Polas nosas, Margarita estivo acertada no tiro, Celia fixo o seu mellor partido como xogadora do CB Burela, e colaboraron  como sempre as demais xogadoras (Mar e Marta Cifu en dobres díxitos), destacando a aportación de Tania e Marta Alv. desde o banquiño.

  Xogaron e anotaron: Marta A., Fátima (6), Mar (10), Tania (2), Marta Cifu (12), Lucía C., Margarita (16), Adela (4) e Celia (13).

         17 faltas , eliminada Margarita min 37  18-10/12-14/20-14/

13-9

   A vindeira xornada as nosas visitan Coruña para enfrentarse ó Calasancias, segundo na clasificación , que a tempada anterior competían ben na 1ª Nacional (renunciando a súa praza), polo que será un difícil desprazamento.

Fin de Semana con só 4 partidos federados

HORARIOS DE SÁBADO 17

  Nova xornada das ligas federadas con pouca actividade dos nosos equipos e ningun partido de competición escolar (polas competicións de campo a través).

• Premini:  CB BURELA-CB VIVEIRO, sábado 10,30h no Monte Castelo, boa oportunidade de ver os progresos dos máis pequenos.
• Benxamín masculino federado, Estudiantes Lugo- CB Burela, no pabillón do Palomar o sábado ás 17h.
• Infantil feminino, Ensino Lugo- CB Burela, Anexo do Pazo ás 16h.
• Cadete feminino, Ensino Lugo- CB Burela, Anexo do Pazo ás 18h.
• Senior feminino, CB Burela - La Salle Santiago, sábado 16h Pabillón Vista Alegre

 SORTE A TODOS/AS

CB BURELA - LA SALLE : sábado 16h

Resultados fin de semana

XORNADA DESIGUAL

  Despois dun fin de semana xon pouca actividade, o CB Burela consigueu victorias en categoría infantil e dúas derrotas en junior e senior masculino.

• Gran victoria das infantís diante dun Estudiantes de Lugo moi limitado, cun tanteo final 47-15. As de Madar dominaron o partido de principio a fin e chegan na xornada 6 ó liderato compartido co Hotel Bouza Ribadeo (o Ensino Salesianos ten un partido menos disputado). A seguinte xornada visitan Lugo (sábado pola tarde, 16 h.) ó potente e candidato ó título Ensino Salesianos.
• Victoria esperada dos infantís de Rogelio diante do Estudiantes 59-37, no que os nosos gañaron por ter mellores xogadores pero que deben mellorar o xogo colectivo. Diego Pardo liderou o ataque local ben axudado por Julián, Alex e Ángel. A vindeira xornada se xogarán a segunda praza da liga en Foz diante do Celtas Martínez, pois o liderato está desde fai tempo nas mans do Hotel Bouza de Ribadeo.
• Derrota  moi abulatda dos juniors diante do Hotel Bouza de Ribadeo en Burela (39-66) no peor partido dos nosos. Despois dun primeiro cuarto esperanzador (12-11) os nosos viñéronse abaixo, sen rebote nin dirección na pista, polo que os visitantes engordaron a diferencia moi por encima da diferencia real entre os equipos. Cristhian e Miguel foron os mellores en ataque aínda que o máis destacado foi Damián . A vindeira xornada non terá partido pola petición de aprazamento do Galén lucense (xogarán o 14-2). Na clasificación o equipo segue na cuarta posición empartado co propio Galén, polo que deberá poñerse as pilas para asegurarse praza de paly-off polo título.
• Derrota dos seniors en Ribadeo diante  do CB Ría de Ribadeo 62-55 nun mal partido dos de Manolo que non tiveron opcións durante os 40 minutos. A falta de dirección e calma no xogo de ataque e os despistes defensivos lastraron ó noso equipo. Con todo o final do partido rematou cunha diferencia que nos debe dar esperanzas de victorias na segunda volta. Jacobo con 16 puntos e randy con 13 lideraron ó CB Burela.

Victoria axustada en Vigo

Victoria na prórroga do CB Burela

  Sexta xornada da 1ª Autonómica para as nosas rapazas senior e terceira victoria na liga en Vigo diante do Seis do Nadal-Coia.

  Intenso partido , moi igualado, entre dous equipos moi parellos, cun final de infarto no que as nosas tiveron gañado e perdido varias veces o partido pero que tivo que resolverse nunha prórroga na que as nosas souperon chegar con opcións ás últimas xogadas e aproveitar a oportunidade de sumar esta importante victoria.

 Desprazábase o equipò de Rubal coas baixas de Marta Alvarez, Laura Chao e Salo por motivos académicos, polo que a rotación das nosas quedaba reducida a 8 xogadoras. Tamén debemos resaltar que non chegaban no seu mellor momento polos problemas que tiveron durante as vacacións de Nadal para adestrar.

 De inicio xa se deixaba ver a igualdade co que iba a trancurrir o partido aínda que as nosas nun bo final de cuarto superaban as locais  12-17 facendo unha gran defensa con variantes tácticas. En ataque Mar e Lucía Carabán aportaban por dentro e por fora. O segundo cuarto foi igualado  e as locais conseguiron rebaixar as ventaxas para chegar ó descanso 3 puntos abaixo (26-29). Neste cuarto levou o peso anotador Margarita con 7 puntos consecutivos.

As nosas, celebrando a victoria

  Despois do descanso o CB Burela estivo por debaixo das súas posibilidades con moitas perdas de balón sen sentido, fallos en situacións fáciles e acusaron a intensidade defensiva local polo que as viguesas déronlle a volta ó marcador cun parcial 15-9, poñéndose 3 arriba (41-38) para iniciar o último cuarto con lixeiras ventaxas (de ata 4 puntos) pero as nosas voltaban ó seu xogo habitual e equilibraban o marcador gracias a aportación de Mar con 7 puntos no final do partido e neses minutos finais de infarto chegaban con empate a 54 e posesión en ataque de 9 segundos que non souperon aproveitar polo que se chegaba a outra prórroga . Cinco minutos finais cargados de presión, faltas e tiros libres para rematar cun tiro libre de Lucía C. nos poñía con ventaxa 59-60 que as locais non conseguían dar a volta nos últimos segundos.

  Polo CB Burela, xogaron : Fátima (1), Mar (19), Tania, Marta Cifu (6), Lucía Carabán (11), Marga (11), Adela (6) e Celia (6).  19 faltas eliminada Marga min.42  

   Gran victoria nun xélido pabillón de Balaídos, cun longo desprazamento (540 kms.) que permite ás nosas alcanzar a parte media da clasificación coas mesmas victorias que o 4º clasificado e unha victoria menos que as segundas clasificadas. Enorme o mérito das nosas xogadoras que coa base do equipo da pasada temporada compiten con todos os equipos da liga.

A XORNADA (equipos federados): 10 /11 xaneiro

    Primeira xornada do 2015 con interesantes encontros :

• Senior feminino, coa visita ó Seis do Nadal de Vigo, reedición da final de 2ª división do pasado 2014. O equipo de Rubal viaxa o sábado 10 (16h) a Vigo para intentar competir como nas anteriores xornadas aínda que ten varías dúbidas no plantel para viaxar.
• Senior Masculino 3ª, coa visita ó colista Augas santas Ribadeo nun derby que de seguro será moi emocionante. Os de manolo terán unha moi boa oportunidade de certificar a súa meloría e trer a Burela unha nova victoria. será o domingo 11 ás 5 da tarde en Ribadeo.
• Junior Masculino, recibindo ó CB Ribadeo, ó que xa venceu a domicilio e voltar a ter máis victrias que derrotas. A volta de Cristhian  será a mellor noticia neste primeiro partido da segunda volta. Será o sábado 10 ás 18h en Burela (Mte. Castelo).
• Cadete Feminino, o equipo de Madar descansa ó ser un grupo impar.
• Infantil Masculino, o equipo de Rogelio e Madar recibe ó EStudiantes 2001 , domingo 10.30h, que aínda non coñece a victoria, para afianzar a terceira posición e xogarse na vindeira xornada a segunda posición diante Celtas martínez en Foz.
• Infantil Feminino, o equipo de Madar recibe ó Estudiantes 02 o domingo (12h) para seguir na estela de Ensino Salesianos na cabeza do grupo. É unha verdadeira oportunidade de sumar outra victoria diante dun equipo que só coñece a derrota na liga.
• Benxamín masculino, descansda para preparar a visita a Lugo da seguinte xornada.

  SORTE A TODOS

2015: A competición volve á 1ª Autonómica