lunes, 23 de marzo de 2015

Victoria das senior en Porriño

AS SENIORS GAÑAN EN PORRIÑO

   Nova xornada da 1ª Autonómica Feminina e longa viaxe das seniors a Porriño, un enfrentamento asequible contra o equipo colista que só tiña unha victoria na liga. A lista de baixas para a viaxe (Marta A., Salo e Laura) voltaba a deixar a rotación do adestrador en 8 xogadoras.

    O partido empezaba con dominio visitante (2-9) correxido polas locais despois dun tempo morto para rematar o cuarto cun 9-13 e bastante igualdade no xogo. O segundo cuarto foi o mellor das nosas que en defensa se esforzaron e secaron ás de Porriño con só dúas canastras en xogo, e no ataque aparecía Margarita con 8 puntos exteriores que deixaba unha cómoda diferencia ó descanso de 16-31.

    Parecía moi fácil o partido cando as de Burela chegaban a superar os 20 puntos de diferencia pero unha fase de acerto de Porriño e de fallos das nosas achegou ás de Porriño a 8 puntos. Tempo morto de Rubal e volta ó traballo defensivo e á orde no ataque cun parcial de 0-8 que voltaba a poñer diferencias no marcador (31-47, final do 3º cuarto). O último cuarto as nosas se limitaron a manter diferencias no marcador aínda que as de Porriño non se rendiron nunca rematando o partido coa diferencia de 20 puntos.
O noso equipo celebrando o cumpreanos de Marta en Porriño

  O noso equipo foi superior no xogo (gañou os 4 cuartos) e só a base S. Alonso (4 triplas e contraataques) e a pívot junior A. Alonso destacaron nas locais. 
  No noso equipo a mellor foi Marta Cifu que celebraba o seu cumpreanos con 17 puntos, ben secundada en ataque por Mar, Margarita (13 puntos con 3 triples) ,Lucía C e Adela, sen esquecer o esforzo defensivo do equipo.

  Polas nosas xogaron: fátima 4, Mar 16, tania, Marta Cifu 17, Lucía C. 9, Margarita 13, Adela 8 e Celia 2
    18 faltas: eliminadas Margarita (36´) e Tania (39´) . Parciais: 9-13/7-18/15-16/18-22

Clasificacion actual
  Na clasificación o CB Burela está situado na séptima posición con 5 victorias , a unha das próximas rivais das nosas en Burela (Seis do Nadal de Vigo), polo que se o fin de semana posterior a Semana Santa poden avanzar unha posición se gañan a un rival co que no partido de ida disputou un encontro moi igualado con victoria das nosas na prórroga.

jueves, 19 de marzo de 2015

Mal finde semana na base

Mal fin de semana en xeral

   Novo fin de semana da competición e malos resultados para os nosos equipos de bas e e para o senior masculino de Manolo. As ligas empezan a encarar as eliminatorias finais e as últimas xornadas e o nivel de esixencia aumenta polo que temos que mellorar de cara ós partidos que veñen.

  -- Benxamín , cun partido de preparación entre o mixtro e o feminino cun empate final a 32 que deixou a todo o mundo contento.
  -- Alevín masculino escolar, unha alegría cunha fácil victoria en Burela diante do Celtas de Foz 61-32.
  -- Infantil feminino, derrota contra Galén de Lugo 26-59 en Burela, cunha primeira parte destrosa 12-39, sendo incapaces as nosas de superar a presión a toda cancha das de Lugo.
As cadetes de CB Burela
  -- Infantil Masculino, derrota dolorosa e inesperada diante Estudiantes 02 por un apretado 62-61, os de Rogelio acusaron unha arbitraxe moi dura e a acostumada falta de marcador para perder na íltima xogada e desperdiciar ata 12 puntos de vantaxa do 3º cuarto.
   -- Cadete Feminino, derrota clara diante de Ensino en Burela 23-44, noutro partido nas que as nosas non tiveron opcións.
   
 Por último, tamén temos que destacar a derrota dos seniors de Manolo diante do Cidade de Lugo (61-38) que os deixa descolgados diante dun rival directo na penúltima posición.

lunes, 16 de marzo de 2015

Nova derrota das senior en Vista Alegre

Outro final priva as senior da victoria

  Nova xornada da 1º Autonómica Feminina e visita dun dos equipos da parte alta da clasificación, o Pío XII de Santiago, equipo que viaxaba a Burela con só tres derrotas e que aspira á fase de ascenso a 1ª Nacional.

  O equipo de Rubal volvía a ter poucos efectivos pola ausencia por estudos de Marta Álvarez e pola falta das xogadoras juniors vinculadas ó CB Viveiro, que cambiaron a data do seu partido en Pontedeume para o domingo sen ter en conta os horarios do equipo senior e non lles dan a posibilidade ás junior de disputar o partido de Burela. Así nin Celia nin Fátima estaban disponibles e reducía a 8 a convocatoria.

  O partido foi como ven sendo habitual moi igualado, con defensas intensas e pouca anotación (11-12, min.10), tónica que se mantivo no segundo cuarto (21-20 ó descanso), con poucas canastras en xogo eun partido intenso e pouco vistoso. Marta Cifu non participou moito por ter tres faltas no minuto 12 agrandando máis a falta de rotacións.

  A falta de rotación fixo que no bando local se cambiase a defensa para administrar esforzos e faltas, polo que as visitantes aproveitaron un baixón ofensivo local para coller unha pequena diferencia de 4/5 puntos chegando ó minuto 30 cunha ventaxa de 30-34 e deixando todo por resolver no último periodo.

Marta e Mar nun contraataque na pasada temporada
  As visitantes chegaron a ter  ata 8 puntos de ventaxa que despois dun tempo morto local se consigueu ir reducindo a base de defensa , pero unha técnica ó banquiño local e a suma de faltas (12 sinaladas na segunda metade ás nosas) non deixaban igualar o partido. Con todo dous contraataques fallados coa posibilidade de empatar o partido a falta de 2 minutos  facían que as locais non perdesen nunca  a fe na remontada. Unha perda de balón, dous triples fallados e os tiros libres anotados polas de Santiago fixeron de novo medrar a diferencia adversa para deixala nun 45-51 final.

   Outra oportunidade perdida de sumar unha victoria que o equipo por casta e  esforzo merece e que non chega. Os árbitros tiveron unha actuación gris, pendentes da grada e de poder sumar algunha técnica ás locais, pero o peor é a falta de criterios técnicos comúns coas arbitraxes que o equipo recibe nos desprazamentos, deixando ás xogadoras desconcertadas coa permisividade dos contactos, o criterio dos ciclos de pasos e a falta de diálogo e arrogancia coa que nos pitan como locais.

   Polo CB Burela xogaron e anotaron: Mar (12), Laura, Tania (6), Marta Cifu (3), Lucía Carabán (9), Margarita (14) e Adela (1).   17 falta e 1 técnica ó banco local.

  Se queres ver a crónica do Pío XII podes facelo no seguinte   ENLACE

   As vindeiras xornadas empezamos con partidos de rivais da parte media e baixa, polo que o xogo que nos fai competir cos rivais da parte alta , nos ten que dar verdadeiras posibilidades de victoria. Para empezar , o vindeiro sábado temos o desprazamento a Porriño (18h), colista da clasificación cunha soa victoria.

martes, 10 de marzo de 2015

Canteira: Cara e cruz

Diversidade de resultados na base

  Nova xornada dos equipos de base, con resultados de todas as cores:

1- Prebenxamín mixto, victoria dos máis pequenos/as en Viveiro por un axustado 34-36, nun partido disputado en Viveiro contra o CB Viveiro. O resultado é o de menos, sendo importante que os nosos xogadores máis pequenos/as teñan partido para ver os seus progresos e participen cunhas reglas que despois terán en idade benxamín.

2-Benxamín feminino, con derrota en Viveiro contra CB Viveiro 56-30, nun partido contra un equipo mixto onde varios nenos destacaban pola súa presencia física. Pero este tipo de partidos contra equipos casi masculinos sirven para elevar a esixencia das nosas nenas e que no fututro destaquen cintra equipos só femininos. A mellor do equipo foi Sofía .

Clasificación actual dos Benxamíns no Provincial
3- Benxamín masculino federado, victoria diante o CB Ría de Ribadeo en Ribadeo  16-59, onde os nosos fixeron valer a súa calidade e o seu estatus de favoritos nesta liga benxamín provincial. A vindeira xornada (20 de marzo), visitarán ó Cidade de Lugo coa primeira praza do grupo en xogo. O equipo capitalino venceu na ida en Burela nun partido moi reñido e agora os de Lolo buscarán a revancha en Lugo co premio do primeiro posto na liga.

4- Alevín masculino, victoria en Viveiro diante o CB Viveiro por 27-52, no que os de Madar non lle deron opcións ós locais. Destacou Pablo Fdez. demostrando a experiencia acumulada durante 3 anos en alevíns.

5- Alevín feminino, derrota en Viveiro contra o CB Viveiro por 18-16, nun moi mal partido e no que a polémica arbitral estivo presente nunhas discutidas decisións finais. As nenas dirixidas esta vez por Marga deben seguir pelexando por mellorar.
Infantil Masculino CB Burela

6- Infantil Masculino, dolorosa derrota en Ribadeo , diante o CB Ría de Ribadeo, por un contundente resultado ,63-36, que deixa clara a superioridade dos locais. O mal inicio dos de Roxelio (20-2 de inicio) e o mal xogo despregado fixeron ós nosos merecedores da derrota. Este equipo parece que sae acobardado sempre diante os ribadenses e non é capaz de despregar todo o baloncesto do que é capaz.

Cadete feminino CB Burela
7- Infantil feminino, derrota en Burela contra as Escolas Deportivas de Lourenzá 31-51. As de Madar non souperon estar á altura das visitantes, e atragantáronse na defensa das visitantes.

8- Cadete feminino, victoria no partido de volta da semifinal polo quinto posto, 32-41 , diante o Cidade de Lugo, nun partido de trámite onde se volveu a ver a superioridade das de Madar e que sirveu de preparación para a eliminatoria polo quinto posto contra Ensino de Lugo.

9- Junior Masculino, co partido de volta contra Estudiantes de Lugo, derrota dos de Manolo, que quedan na cuarta posición , moi meritoria para un equipo moi corto en número e en altura, no que a presencia de varios cadetes foi moi importante.

Senior Maculino : Derrota axustada en vista Alegre

Derrota moi axustada dos senior

    Nova xornada da 3º división masculina e nova derrota dos senior diante do equipo lucense Arrocería Os Cachivaches, cun axustado 49-53, nun partido moi nivelado que podía caer para calquera dos dous lados, pero que nuns minutos finais desafortunados, a victoria foi para o equipo de Lugo.

Os nosos en defensa
    Mal inicio dos de Manolo, cun parcial de 4-19  de inicio, que fixo que o partido se puxera moi costa arriba, pero nos minutos finais do primeiro cuarto e nun excelente segundo cuarto igualaron o marcador cun 25-28 ó descanso. A igualdade foi a tónica da segunda parte cun 33-37 no minuto 30 e cun último cuarto no que os de Burela se puxeron por diante peros rivais souperon superar ese mal momento e estar máis acertados nun final moi agónico para levarse a victoria que os afianza na terceira posición da liga.
    Os nosos notaron a ausencia de Randy (de viaxe) pero contaron por primeira vez na temporada con Diego Pedrosa (lesionado ata fai dúas semanas), cunha esperanzadora actuación . As claves da derrota poden ser a superioridade na zona dos lucenses e certo abuso do tiro de longa distancia dos nosos, que combinados con pérdidas de balón en momentos clave e o mal inicio de partido, déronlle a posibilidade ós rivais de levarse o partido.

   As vindeiras xornadas (quedan 4 partidos) o CB Burela enfréntase a rivais da parte medio-baixa da clasificación polo que terán opcións de abandonar a penúltima posición. O vindeiro fin de semana visita ó Cidade de Lugo , partido importante onde poden achegarse a unha victoria da 8ª posición cun partido menos. O partido disputarase en Lugo o domingo en horario de tarde (19h).
Clasificación actual (o CB Burela ten 1 partido menos).


  

domingo, 8 de marzo de 2015

Esforzo inútil das seniors en Ourense

Gran esforzo sen recompensa final en Ourense


   Novo partido da 1ª Autonómica de baloncesto feminino e desprazamento do CB Burela a Ourense para enfrentarse ó Universitario Campus Ourense, equipo da parte alta da táboa e que en Burela gañara por unha diferencia moi reducida.
   O equipo de Rubal desprazábase coas baixas por estudos de Marta A. e Salomé e coa baixa de última hora de Celia enferma, co que coa alta de Lucía Carabán (despois dun mes lesionada) tiña á súa disposición a 8 xogadoras.

   O inicio foi moi competido e dominado polas defensa polo que a  anotación foi moi baixa (7-11), con lixeiras ventaxas das visitantes, pero coa igualdade no xogo e no marcador (24-25 ó descanso). As defensas individuais non deixaban alegrías nos ataques. 

  A segunda metade parecía que favorecía ás locais, que presionaban a toda cancha e aproveitaban as perdas de balón das nosas para dar un pequeno tirón no marcador, sacando sempre froito dos erros no pase do CB Burela. Unha desventaxe de 8 puntos non fixo que as nosas se rendiran, e loitando contra o cansancio e alternando defensa individual e zona conseguían parar ás de Ourense, que atravesaban unha crise de acerto ofensivo , polo que as diferenzas se estreitaron pouco a pouco. Margarita foi a principal arma ofensiva do CB Burela con 2 triplas, canastras en transición e tamáen en estático (22 puntos na segunda parte).

Tempo morto en Vista Alegre na ida
  Así se chegaba a igualar o partido no final do último cuarto, no que as nosas se situaban con ventaxas mínimas (58-60) e tiñan verdadeiras opcións de disputar a victoria. A falta de acerto e o cansanzo xunto co acerto da local Lamelo (2 triplas) déronlle o partido ás locais deixando estéril o grande esforzo das xogadoras do CB Burela durante todo o partido (66-61). 

   Polo CB Burela  xogaron: Fátima (4), Mar (13), Laura, Tania, Marta Cifu (7), Lucía Carabán (8), Margarita (24) e Adela (5). 17 faltas , sen eliminadas
       Parciais: 7-11/17-14/24-19/19-17

   Outro partido que se decide nun final apretado que as nosas non poden levarse a victoria , pero que reforza o nivel do grupo de cara ós seis partidos que quedan de liga.

  O vindeiro domingo (Vista Alegre 17h.) recibimos a outro dos equipos da parte alta , PÍO XII de Santiago, equipo que nos gañou na prórroga na ida e que será outra dura proba para as nosas.

viernes, 6 de marzo de 2015

Senior masculino: Polémica derrota en Becerreá

Derrota na prórroga dos seniors

   Nova xornada da 3ª división masculino no seu grupo lucense e derrota pola mínima do CB Burela en Becerreá  57-53, despois dunha prórroga. O conxunto de Manolo perde unha gran oprtunidade de achegarse aá parte media da clasificación quedando descolgado na penúltima posición a falta de cinco partidos por disputar.

Tempo morto de manolo en Vista Alegre
  O partido en Becerreá xa iba ser complicado coa baixa de Jacobo, máximo anotador do equipo, por motivos laborales, ademáis unha pista esbaradiza que impedía a rapidez e fluidez dos ataques e premiaba o xogo lento e interior dos locais, iba poñer moi complicado o partido para os nosos. Pero o equipo de Manolo non se rinde e despois dunha primeira parte gris consigueu colocarse por diante no final do partido, e nun final moi apretado dispuxo de dous tiros libres a falta de 4 segundos para gañar o partido. os árbitros anulaban o tiro anotado (por pisar a liña) e o partido foi á prórroga onde os locais tiveron a sorte de cara.

   Destacou Humberto con 14 puntos, ben secundado por Randy e Héctor, e só as ausencias non permiten ver o potencial real de este conxunto que debería estar optando a meterse nas 4 primeiras prazas. O vindeiro fin de semana (domingo 19h en Burela) unha nova oportunidade de ver o nivel do grupo diante dun dos equipos punteiros (Arrozería Cachivaches) e poder achegarse ós rivais que nos superan na clasificación.


Clasificación actual

martes, 3 de marzo de 2015

Canteira. destacan os máis pequenos

Resultados da base : 28 feb / 1 marzo

  Nova xornada nos equipos de base do CB Burela e resultados moi positivos en casi todas as categorías:

Benxamín Feminino Escolar
  1. Benxamín Masculino Escolar, victoria moi folgada por 67-17diante das Escolas Deportivas do Concello de Cervo. Os de Lolo non deron opción ó equipo de San Cibrao e pecharon a acta xogando e deixando xogar ó rival.
  2. Benxamín Feminino Escolar, victoria sobre O Pilar de Foz por44-38, diante dun equipo que tiña superioridade física, devolvendo a derrota da primeira volta. As nenas de Marga remontaron no terceiro cuarto e gañaron o partido con moita brillantez. Destacaron na ofensiva Nuria e Marta.                                                                                                                                  
  3. Alevín Feminino Escolar, derrota diante das Escolas Deportivas de Lourenzá no Mte.Castelo por  28-46, non souperon as de Marga e Madar  superar a un conxunto moito máis alto e potente no físico e cederon unha derrota moi digna.                                                                                       
    Alevín feminino Escolar
  4. Infantil Feminino Federado,victoria moi clara diante do Val do Lemos de  Monforte en Burela por 45-21, as de Madar xa no grupo que pelexa polo título provincial gañoulle o terceiro clasificado do grupo Sur e só lle queda xogar  contra o Ensino Galén e o Cidade de Lugo para rematar a liga. O conservar os resultados da 1ª fase o noso equipo ten moi limitadas as súas aspiracións e opta a rematar entre as 4 mellores escadras da provincia.
  5. Infantil Masculino Federado, a mágoa da xornada ó caer derrotados no Mte Castelo contra o Celtas Martínez por46-47 no último minuto do partido. Despois dunha primeira parte para esquecer 18-31, os de Rogelio ofreceron a súa mellor versión nunha gran reanudación , remontando o partido e tendo ata 3 puntos arriba a falta de escasos 2 minutos. Dúas canastas dos de Foz os puxeron por diante e a última acción ofensiva de Alberto non acertou co aro polo que se sumou a primeira derrota da segunda fase. Cabe destacar a arbitraxe , que en termos xerais non afectou ó resultado, pero que non é ético que un árbitro sexa fillo do adestrador focense.
  6. Cadete Feminino , victoria moi clara diante Cidade de Lugo70-22, cunha Paula moi mermada que fixo que o resto do equipo asumira máis responsabilidades. As de Madar encarrilan a eliminatoria polo quinto posto final e poden seguir  co reparto de minutos para as menos habituais no partido de volta en Lugo. A eliminatoria final polo quinto posto será contra Ensino de Lugo.
    Alevín Masculino Federado
  7. Junior Masculino , despois do gran éxito de clasificarse para os playoff polo título provincial , a semifinal contra o equipo líder (Innova Const. AXSC) iniciouse cunha clara derrota en Burela  que deixa  casi sentenciada a semifinal 42-78, polo que o equipo de Manolo debe disfrutar do partido de volta  para rematar a competición ligueira con bo sabor de boca. O partido non foi competido pola intensa presión defensiva dos capitalinos que foi mermando a escasa rotación dos nosos (coa lesión de Román máis aínda).